Бухгалтерлік есеп бойынша есептер жинағы

Жинақ ҚР ҚМ 23 мамыр 2007 жылғы «Бухгалтерлік есеп шоттарының үлгілік жоспарын бекіту туралы» № 185 бұйрығымен бекітіліп, 1 қаңтар 2008 жыддан бастап қолданысқа енгізілген бухгалтерлік есеп шоттарының Үлгілік жоспарына сәйкес жасалған. Аталған құжат қолданысқа енгізілген уақыттан бастап, ҚР ҚМ «Бухгалтерлік есепке алу шоттарының Үлгілік жоспарын бекіту туралы» 18 қыркүйек 2002 жылғы № 438 және 22 желтоқсан 2005 жылғы № 426 «Қаржылық есептіліктің халықаралық стандарттарына сәйкес қаржылық есептілікті жасайтын ұйымдар үшін бухгалтерлік есеп шоттарының жұмыс жоспарын әзірлеу жөніндегі Нұсқаулықты (негізгі) бекіту туралы» бұйрықтарының күші жойылды. Жинақтың басты мақсаты: – шоттар жоспарын түсіне білу мен оны меңгеруге ықпал ету; – бухгалтерлік проводкаларды (шоттар корреспонденциясын) жасау бойынша үйренген білімді бекіту. Жинақ экономикалық білім беретін жоғарғы оқу орындарының студенттеріне, бухгалтерлік курстардың тыңдаушыларына, кәсіби бухгалтерлер мен аудиторларға арналған.